Saturday, October 29, 2011

சாந்தியும் சமாதானமும் நிலவுவதாக என்பது சரியா?



சாந்தியும் சமாதானமும் நிலவுவதாக என்பது சரியா?


தமிழகத்தில் இஸ்லாமியர்கள் முகமன் கூற "சாந்தியும் சமாதானமும் நிலவுவதாக" என்று கூறுவதாக பதிவுலகில் பலரும் சொல்கிறார்கள். இதன் அரேபிய மூலம் அசலாமும் அலைக்கும் என்பதாகும். இதனை வைத்து தமிழ்மணத்தில் ஒரு பிரச்சினை எழுந்து அடங்கியது.

இதனிடையே எனக்கு ஒரு சந்தேகம் வந்தது(இவர் பாண்டிய மன்னரு!), சாந்தி என்றால் அமைதி...அமைதிக்கு பெயர் தான் சாந்தி என்று பாடல் கூட உள்ளது. அமைதி என்றால் சைலண்ட், மேற்கு தொடற்சி மலையில் கேரளாவில் "சைலண்ட் வாலி" என்று ஒரு பள்ளத்தாக்கு உள்ளது அந்த வனப்பகுதி இரவிலும் சப்தமில்லாமல் இருக்கும் ஏன் எனில் அங்கே சிக்காடா என்ற வண்டு இனம் இல்லை, சிக்காடா என்பது சில்வண்டு, சுவர் கோழி, மோல் கிரிக்கெட் எனப்படும் பூச்சியே. இது இரவு நேரங்களில் கிர்ரிச் கிர்ரீச் என சத்தமிடும். உலகிலேயே சிக்காடா இல்லாத வனம் சைலைண்ட் வாலி தான். இதை தமிழில் அமைதிப்பள்ளத்தாக்கு என்பார்கள்.

சமாதானம் என்பது ஆங்கிலத்தில் பீஸ்(peace) ஆகும்." peace treaty" இதை தமிழில் சமாதான உடன்படிக்கை (அ) ஒப்பந்தம் எனலாம்.சில சமையம் அமைதி உடன்ப்படிக்கை( அ) ஒப்பந்தம் என்று சொல்லவும் கேட்டு இருக்கிறோம்.

அப்படியானால் சாந்தி(=அமைதி), சமாதானம் என்ற இரண்டு சொற்களும் ஒரே பொருளைக்குறிக்கும் இரு சொற்கள் ஆகிறது. அன்னை, தாய் என்பது போல.

எனவே சாந்தியும், சமாதானமும் நிலவுவதாக என்று சொல்வது இரண்டு முறை சாந்தி என்றோ இரு முறை சமாதானம் என்றோ சொல்வதாகிறதே எப்படி அப்படி சொல்வார்களா?

ஆகவே அதன் அரபிய மூலமான "அசாலாமு அலைக்கும் வ" என்பதன் பொருளைத்தேடினேன்.
அதற்கு உலகெங்கும் பொதுவாக சுருக்கமாக "Peace be upon you" என்று சொல்வதாக போட்டிருந்தார்கள். இதன் பொருள் சமாதானம் நிலவுவதாக என்பதாகும்.

இரானில் "peace and health upon you" என்ற பொருளில் பயன்ப்படுத்துகிறார்களாம். தமிழில் அமைதியும் (அ)சமாதானமும் ஆரோக்கியமும் நிலவுவதாக என்பதாகும்.

ஆனால் இதுவே முழு முகமன் கிடையாது , முழுசாக "அசலாமு அலைக்கும் வ ரகமத்துல்லா வ பரக்கத்து" என சொல்லப்படுகிறது.
இதனை தமிழில் மொழிப்பெயர்த்தால் "சமாதானமும் அல்லாவின் கருணையும் (அ)இறையருளும் நிலவுவதாக" என்றோ அல்லது "அமைதியும் ஆரோக்கியமும் இறையருளும் நிலவுவதாக" என்றோ தான் மொழிப்பெயர்த்து பயன்ப்படுத்தி இருக்க வேண்டும்.
பரக்கத் என்பதற்கு அபிவிருத்தி என்றும் ஒரு பொருள் இருக்கிறது. சாப்பிடும் போது சொல்லும் வாக்கியத்தில் பரக்கத் என்பது அபிவிருத்தியாகவே பொருள் கொள்ளப்படுகிறது.

ஆகவே அரேபிய மூலத்தில் இல்லாத ஒன்றை தமிழில் அடுக்குத்தொடர் போல் ஒரே பொருள் தரும் இரண்டு சொற்களைப்பயன்ப்படுத்தக்காரணம் தவறான மொழிப்பெயர்ப்பே என நினைக்கிறேன்.

அந்த காலத்தில் தவறாக மொழிப்பெயர்த்திருந்தாலும், சொல்லிக்கொடுத்திருந்தாலும் அதனை சரிப்பார்க்க வாய்ப்பிருந்திருக்காது, ஆனால் இது இணைய உலகம், எதனையும் அறிந்து கொள்ள முடியும். சாந்தியும் சமாதானியும் சண்டையின் போது யாருமே அலசி ஆராயாமல் சண்டைப்பிடிக்க ஒரு வாய்ப்பு விடக்கூடாது என்று பாய்ந்ததாகவே இப்போது எனக்குப்படுகிறது.

இந்தப்பதிவிலும் ஏதேனும் பிழைகள் இருக்கலாம் சுட்டிக்காட்டவும், மேலும் அரபியும், தமிழும் தெரிந்தவர்கள் எது உண்மை என்று விளக்கினாலும் நன்றே!

மற்றப்படி சிலம்பாட்டம் ஆட ஆசைப்படுபவர்களை "பிதா சுதன் புனிதப்பேயோ, அல்லா ரக்காவோ ,அனுமானோ இரட்சிப்பாராக..ஆமென்!
-------------------------------------------------------------------------------------

விளக்கம் தேடியப்போது எனக்கு கிட்டியவை, ஆங்கிலத்தில் இதில் இருப்பதைத்தான் தமிழில் சொல்லியிருக்கிறேன்.சுட்டிகளும் உள்ளது , படித்துப்பாருங்கள்.


Assalamu Alaikum Wa (السلام عليكم و رحمة الله و بركاته)
Rahmatullahi Wa Barakatuh (السلام عليكم و رحمة الله و بركاته)
Grammar: greeting; 6 words;
"Peace be unto you and so may the mercy of Allah and His blessings". It is the full version of the Islamic greeting.

http://www.islamic-dictionary.com/index.php?word=assalamu%20alaikum%20wa%20rahmatullahi%20wa%20barakatuh
-----------------------------------------------------------------------------------


Definition: A common greeting among Muslims, meaning "Peace be with you." The appropriate response is "Wa alaikum assalaam" (And upon you be peace.)

Extended forms include "Assalamu alaikum wa rahmatullah" (May the peace and mercy of Allah be with you) and "Assalamu alaikum wa rahmatullahi wa barakatuh" (May the peace, mercy, and blessings of Allah be with you).

http://islam.about.com/od/glossary/g/gl_salaam.htm
---------------------------------------------------------------------------------------------

The Prophet said, "Allah created Adam in his image, sixty cubits (about 30 meters) in height. When He created him, He said (to him), ‘Go and greet that group of angels sitting there, and listen what they will say in reply to you, for that will be your greeting and the greeting of your offspring.’ Adam (went and) said, ‘As-Salamu alaikum (Peace be upon you).’ They replied, ‘As-Salamu ‘Alaika wa Rahmatullah (Peace and Allah’s Mercy be on you).’ So they increased ‘wa Rahmatullah’ The Prophet added, ‘So whoever will enter Paradise, will be of the shape and picture of Adam. Since then the creation of Adam’s (offspring) (i.e. stature of human beings) is being diminished continuously up to the present time." (Sahih al-Bukhari, Volume 8, Book 74, Number 246)

http://www.iqrasense.com/muslim-character/assalamu-alaikum-origin-and-meaning-of-the-muslim-greeting.html
----------------------------------------------------------------------------------------------------

Friday, October 28, 2011

தெரியும்...ஆனா ...தெரியாது!





                                          தெரியும் ஆனா தெரியாது.                               


உலகத்தில நிறைய பிரபலமான , பெரியதும் சிறியதுமா ஏகப்பட்ட கம்பெனி இருக்கு, சிலப்பெயர் பார்த்ததும் புரிஞ்சுடும் உதாரணமாக மன்னார் அன்ட் கம்பெனி . பல நிறுவனங்கள் ,வணிகப்பெயர்கள் கேட்க நல்லா இருக்கும் ஏன் அப்படி வச்சாங்க , அதுக்கு என்ன அர்த்தம்னு தெரியாது. எல்ஜி டீவி எல்லாருக்கும் தெரியும் எல்ஜி என்றால் என்னனு அவ்வளவாக தெரியாது.

எனக்கும் தெரியலை சரினு கூகிளாண்டவரிடம் முறையிட்டு தேடி தெரிஞ்சுக்கிட்டேன்.அப்படியே கொஞ்சம் கொஞ்சமா நிறைய தேடி சேர்த்து வச்சுட்டேன்(ஏ யப்பா சொத்துலாம் இல்லை வெறும் பெயர்களை தான்பா) சரி நமக்கு தெரிஞ்சா போதுமா என்று உங்க கூடவும் பகிர்ந்து கொள்கிறேன். பிழை இருந்தால் சுட்டிக்காட்டவும்.(இந்தப்பதிவு எல்லாம் தெரிந்தவர்களுக்காக அல்ல)
நிறைய நிறுவனங்கள் இருக்கு ஆனால் இங்கே ஒரு A to Z பதிவாக இப்போ போட்டு இருக்கேன், மற்றதை பிறகு பார்ப்போம்.

                                         A TO Z LIST:                                                                 

#ADIDAS= Adolf (Adi) Dassler.ஜெர்மனிய சேர்ந்த இவர் பெயரையே சுருக்கி ஷீ கம்பெனிக்கு வச்சுக்கிட்டார்.

#BSA CYCLE= BIRMINGHAM SHORT ARMS. இங்கிலாந்துல துப்பாக்கி தயாரிச்சுக்கிட்டு இருந்த கம்பெனி, இரும்பு அதிகமா இருக்குனு சைக்கிள் தயாரிச்சாங்க, இந்திய விடுதலைக்கு அப்புறமா டிஐ (டியுப் இன்வெஸ்ட்மென்ட்) கிட்டே வித்துட்டு போய்டாங்க.இது அமால்கமேஷன் குருப்போட ஒரு நிறுவனம்.அம்பத்தூர்ல இருக்கு.

#CEAT TYRES = Cavi Electrici Affini Torino (Electrical Cables and Allied Products of Turin,ITALI) இத்தாலில வையர் தயாரிச்சுக்கிட்டு இருந்தவங்க டயருக்கு மாறிட்டாங்க!

#DABUR= DR.BURMAN. கொல்கத்தாவை சேர்ந்த டாக்டர் எஸ்.கே.பர்மன் , அவர் பேரை சுருக்கி டாபர் னு ஒரு ஆயுர்வேதிக் மருந்து கம்பெனி ஆரம்பித்தார்.

#EID PARRY= EAST INDIA DISTILARIES PARRY. அயர்லாந்தை சேர்ந்த தாமஸ் பாரி இந்தியாவில சர்க்கரை ஆலை ஆரம்பித்தார்(முதல் ஆலை) அப்போதைய ஆங்கிலேயர்களுக்கு சரக்கு தேவைப்பட சாராய ஊரல் ஆலையும் போட்டார் அது தான் இது. விடுதலைக்கு பின் பலர் கை மாறி இப்போது அமால்கமேஷன் குருப்பிடம் உள்ளது.

#FANTA= FANTASTIC. பேன்டாஸ்டிக்கா பேரு வைக்கணும்னு யோசித்து எதுவும் சரிப்படாம கடைசில அதையே சுருக்கி ஃபேண்டா னு பேரு வச்சுடுச்சு கோகா கோலா நிறுவனம்.(இந்தப்பதிவ படிச்சதும் நீங்களும் ஃபேண்டா னுசொல்லணும்... சொல்வீங்க)

#GMR CONSTRUCTIONS = G.MADHUSUDAN RAO, ஆந்திராவை சேர்ந்த இவர் பெயரையே சுருக்கி கம்பெனிக்கு வச்சுக்கிட்டார். டெல்லி டேர் டெவில்ஸ் அணி அதிபர்.

#HORLICKS = James and William Horlick, அப்படிங்கிற அண்ணன் தம்பிங்க ரெண்டு பேரு(1+1=2 மட்டுமே) அமெரிக்காவில உருவாக்கின மால்டெட் பானத்திற்கு அவங்க குடும்ப பேரையே வச்சுக்கிட்டாங்க. அப்போது எல்லாம் நைட்லதூக்கம் வராதாவங்க தூக்கம் வர ஹார்லிக்ஸ் குடிப்பாங்களாம்.(இப்போ என்னடான குடிச்சா சுறு சுறுப்பாக இருக்கலாம் சொல்றாங்க)

#INTEL= INTERGRATED ELECTRONICS, அமெரிக்கால மிகேல் மூர், நாய்ஸ் அப்படினு ரெண்டு பேரு சேர்ந்து ஆரம்பிச்ச கம்பெனிக்கு மூர் அன்ட் நாய்ஸ்னு பேரு வச்சுப்பார்த்தாங்க படிக்கும் போது மோர் நாய்ஸ் போல இருக்குனு, அப்புறமா, ஐசி அ குறிக்கிறாப்போல இன்டெல் னு வச்சுக்கிடாங்க.

#JCB EARTHMOVER= JOSEPH CYRIL BAMFORD,இங்கிலாந்த சேர்ந்தவர் இவர் பேரையே சுருக்கி கம்பெனிக்கு வச்சுட்டார்.

#KONICA= Konishiroku Kogaku, ஜப்பானை சேர்ந்த "Konishiya Rokubeiten," என்பவர் அவர் பேர கோனிஷிரோகு என்று சுருக்கி கோனிஷிரோ கோககு னு ஒரு கம்பெனி ஆரம்பிச்சார். அப்படினா கோனிஷிரோ ஆப்டிகல்ஸ்னு அர்த்தம். அதையே சுருக்கி கோனிகா னு வியாபாரம் பண்ண ஆரம்பிச்சார்.

#LG ELECTRONICS= LUCKY GOLD STAR ELECTRONICS,கொரியாவை சேர்ந்த லக்கி எலக்ட்ரானிக்ஸ்(முன்னனிப்பதிவர் லக்கி தான் பினாமியா?) மற்றும் கோல்ட் ஸ்டார் ஹோம் அப்ளையன்ஸ் என்ற இரண்டு கம்பெனி சேர்ந்து எல்ஜி எலெட்ரொனிக்ஸ் கார்ப்ரேஷன் ஆகிட்டாங்க.

#MITSHUBISHI= MITSHU= THREE,BISHI=WATER CHESNUT=ARROW ROOT,DIAMOND SHAPED FLOWER, ஜப்பானிய மொழில மிட்ஷு ன முன்று என்று அர்த்தம் அங்கேலாம் மூனாம் நம்பர் லக்கி நம்பராம். ரிஷி என்பது சொல் புனைவின் போது பிஷி ஆகிடும் அப்படி ஆவதற்கு ரெண்டக்குனு சொல்றாங்க, பிஷி =நம்ம ஊரு அரரொட்டி மாவு கிழங்கு , அல்லது வைர வடிவமாம். எல்லாம் சேர்த்து கம்பெனிக்கு பேரு வச்சுட்டாங்க.(ரூம் போட்டு யோசிப்பாங்களோ)

#NIKON= NIPPON KOKAGU= இதுவும் கோனிகா கதைப்போல தான் ஜப்பானிய மொழில JAPPAN OPTICALS அதை சுருக்கி நிக்கோன் என வச்சுக்கிட்டாங்க, இதுக்கு இன்னொரு காரணமும் இருக்கு அப்போ ரொம்ப முன்னணில ஜெர்மனிய சேர்ந்த நிக்கோர் என்ற கேமரா இருந்ததது அது போல பேரு வைக்க இப்படி ஒரு ஐடியாவாம்.ஜெர்மன் காரன் கேசுலாம் போட்டானாம் அப்போ.

#ONIDA = MUCH EXPECTED IN LATIN, நம்ம ஊரு கொம்பு மொளைச்ச டீவி, லத்தின்ல அதிகம் எதிர்ப்பார்க்கப்பட்ட பொருள்னு அர்த்தம்.

#PANASONIC= ALL SOUND ,ஆடியோ கருவிகளை மட்டுமே ஆரம்பத்தில தயாரிச்சாங்க எனவே நாங்க சவுண்ட் பார்ட்டினு காட்டுறாப்போல பேரு வைக்க பாண் = அனைத்தும் சோனிக் = சவுண்ட், சேர்த்து பேரு வச்சுட்டாங்க.

#QANTAS AIRLINES= "Queensland and Northern Territory Aerial Services".அவுஸ்திரேலியாவின் அதிகாரப்பூர்வ விமான கம்பெனி, மொத்தமா சுருக்கி காண்டாஸ் னு பேரு வச்சுட்டாங்க(சென்னைல காண்டா இருக்கான்னு சொல்வாங்களே அது இதான் போல). செல்லமா பறக்கும் கங்காருனு சொல்வாங்களாம்.

#RAYBAN= UV "RAY BAN"NED, பாஷ் அன்ட் லாம்ப் நிறுவனம் அல்ட்ரா வயலட் கதிரை தடுக்கும் குளிர் கண்ணாடி தயாரிச்சப்போ அதையே குறிக்கும் வண்ணம் ரேபான் என்று பேரு வச்சாங்க.

#SAMSUNG = சாம்= 3, சங்= நட்சத்திரம் அதாவது "THREE STARS IN KORIYAN" கொரியாவிலயும் மூன்றாம் நம்பர்னா லக்கியாம்.

#TVS COMPANY= TRICHUR VENGAGARU SUNDARAM AYYANGAR COMPANY, நம்ம ஊரு வண்டி டீவிஎஸ் , அவர் பேரையே சுருக்கி வச்சது.

#UNINOR = UNITECH WIRELES AND TELNOR, இந்தியாவை சேர்ந்த யுனிடெக் கும் நார்வேயை சேர்ந்த டெலிநார் மொபைல் கம்பெனியும் கூட்டணி அதனால யுனிநார் னு பேரு.(இந்த போன்ல பேசினா நார் நாரா கிழிக்கலாம் போல)

#VIDEOCON = VENUGOPAL DHOOT, கம்பெனி ஓனர் அவர் பேர நினைவு படுத்துராப்போல இருக்கணும்னு அவர் பேருல வர எழுத்துக்களையே கலக்கி போட்டு ஒரு பேர உருவாக்கினார் அதான் வீடியோகான், இப்படி வார்த்தைகளை உருவாக்கிறதுக்கு பேரு அனாகிராம்.உலகிலேயே அதிகம் பிக்சர் டுயுப் தயாரிக்கும் நிறுவனம், சோனிக்கே லெட்,ல்எல்சிடி பேனல் இங்கே இருந்து தான் சப்ளை ஆகுது.

#WIPRO= WESRTEN INDIA PRODUCTS ,என்ற பெயரில் குடும்ப தொழிலாக சமையல் எண்ணை ஆலை வைத்திருந்தாங்க,எண்ணை, வனஸ்பதிலாம் விற்பனையாச்சு.பின்னர் அசிம் பிரேம்ஜி அதையே கணினி நிறுவனம் ஆக்கிட்டார்.

#XEROX = DRY IN LATIN, உலர்ந்த என்ற வார்த்தை வருமாறு வைக்க இப்படி வச்சுட்டாங்க, ஏன் எனில் அப்போலாம் ஜெராக்ஸ் இது போல ட்ரையாக எடுக்க முடியாதாம் உலகின் முதல் வகை இதுவே .வேறு எந்த கம்பெனியும் ஜெராக்ஸ் என்ற பெயரையே பயன்படுத்த முடியாது. அவங்க எல்லாம் போட்டொ காபியர்னு தான் சொல்லிக்கணும்.

#YAHOO= YET ANOTHER HIERARCHIAL OFFICIOUS ORACLE,இதை ஜெர்ரி யங் இப்படி சுருக்கி வச்சார்னு சொல்றாங்க, ஆனால் உற்சாகமாக யாஹூ னு கத்துவதுனும் சொல்றாங்க.ஜொனாதன் ஸ்விப்ட் நாவலான கலிவர்ஸ் டிராவல்ஸ் ல வர குள்ள மனிதர்கள் யாஹூ னு கத்துவாங்களாம். நம்ம ஊரு இந்தி படத்துல ஷம்மி கபூர் யாஹூனு கத்துற பார்த்து இருக்கேன்.

#ZANDU BALM= குஜராத்ல ஸண்டு னு ஆயுர்வேத மருத்துவர் இருந்தார் அவரோட பேரன் ஜகத் ராம் தாத்தாவின் மருத்துவ குறிப்புகளை வச்சு 1910 ல தாத்தாவின் பேருல zandu pharmaceuticals என்று ஆயுர்வேத மருந்து கம்பெனி ஆரம்பிச்சார் .அவங்க தயாரிச்ச வலி நிவாரணிக்கு ZANDU BALM னு பேரு வைக்காம வேறென்ன வைப்பாங்க.


ஹி..ஹி இந்தப்பதிவ படிச்சதும் ZANDU BALM தேவைப்படுதுனுலாம் சொல்லப்படாது

Monday, October 24, 2011

கூடன்குளம் அணு உலை அரசியலும், சுயநலமும்- ஒரு மாற்றுப்பார்வை



கூடன்குளம் அணு உலை அரசியலும், சுயநலமும்- ஒரு மாற்றுப்பார்வை


அணு ஆற்றல் என்பது ஆபத்தான ஒன்றே அதனை யாரும் மறுக்கவோ மறைக்கவோ முடியாது, அப்படியில்லை என்பவர்கள் எல்லாம் அரசியல் மற்றும் வியாபார புத்திசால 07;களே. அணு சக்திக்கு மாற்றாக உள்ள ஆற்றல் உற்பத்தி முறைகள்,

#அனல்
,#புனல்,
#கடல் அலை,
#காற்றாலை,
#சூரிய சக்தி,
#புவி வெப்ப சக்தி,
#இயற்கை எரிவாயு,
#குப்பைகள் மறுசுழற்சி எரிவாயு,

என பல பாதகமில்லா அல்லது குறைவான பாதகம் கொண்ட மாற்று ஆற்றல் உற்பத்தி முறைகள் உள்ளன, இணையத்தினால் நீங்களே அறிந 21;து; கொள்ள முடியும்.
சில வருடங்களுக்கு முன்னர் நான் போட்ட மாற்று ஆற்றல் குறித்த பதிவு.

கடலில் அலை அடித்தால் வீட்டில் விளக்கெறியுமா?

கூடன்குளம் அணுத்திட்டத்தின் மீதான எனது சந்தேகங்கள் சில இருக்கு,ரஷ்ய பொருளாதாரம் சரிந்த பின்னால் அங்கு ஆரம்பிக்கப்பட்ட பல திட்டங்கள் பாதியிலேயே கிடப்பில் போடப்பட்டன அவற்றுக்காக தாயாரிக்கப்பட்ட அணு உலைகள் அப்படியே கிடக்கலாம் அவற்றை ஸ்டாக் கிளியரன்ஸ் சேல்ஸ் ஆக இந்தியாவின் தலையில் கட்டுகிறார்களோ என்பது தான்.

மேலும் EVVR-1000 வகை அணு உலைகள் 1977 இல் டிசைன் செய்யப்பட்டவை, அதனை வடிவமைத்தவர் கூட விமான விபத்தில் போய் சேர்ந்துட்டார். இப்போதும் அவை இந்த காலத்திற்கு ஏற்றார் போல இருக்குமா? போன வருடம் வாங்கிய கணிணியே இந்த வருடம் புராதண பொருள் ஆகி விடுகிறது.

ஆனால் ரஷ்யா இந்த EVVR- 1000(water coold water moderated reactor) வகை அணு உலையை மேம்படுத்தி இருக்கோம் என்று சொல்கிறது ,யாரை வைத்து, எப்படி? வடிவமைத்தவர் தான் போய் சேர்ந்துட்டாரே? மேலும் இப்போ ரஷ்யா ஒரே ஒரு அணு உலை திட்டத்தை மட்டும் கையில் வைத்துள்ளது ஆனால் அதற்கு EVVR-1200 என புதிதாக சுட சுட வேறு வகை அணு உலை வடிவமைக்கிறார்கள். Ī;4;ம்மக்கிட்ட பழச வித்து அவங்க புதுசா செய்கிறார்கள் போல!

பொதுவாக எல்லா நாட்டு தயாரிப்பு அணு உலைகளும் ஆபத்தானவையே அதை விட ரஷ்ய தயாரிப்பு மீது தான் சந்தேகமா இருக்கு, காரணம் அவர்கள் புத்திசாலிகளாக இருந்தாலும் தரம் குறித்து அக்கரை கொள்பவர்கள் அல்ல. புள்ளையார் புடிக்க போய் கொரங்கு வந்தாலும் இதான்பா புள்ளையார் மாறு வேடத்தில இருக்கார்னு சொல்றவங்க.

மேலும் உலக அளவில் காப்புரிமை பெற்ற சில சிறப்பு தொழில்நுட்பங்கள் இருக்கு, அதனை எல்லாம் காசுக்கொடுத்து வாங்க மாட்டார்கள், அதற்கு பதில் ஜெனிரிக்கா இருக்கும் தொழில்நுட்பங்களின் அடிப்படையில் இவர்களே ஒரு மாதிரி தயாரித்து பயன்ப்படுத்திக்கொள்வார்கள்.

உதாரணமாக ரஷ்ய தயாரிப்பு தொலைக்காட்சிகளை அருகில் இருந்து பார்க்க கூடாது...ஏன் கண் கெட்டு விடுமா? இல்லை உயிரே போய் விடும் , எப்போது வேண்டுமானாலும் வெடித்து விடும்.
தொலைக்காட்சிப்பெட்டியில் சிஆர்டி திரை சூடு ஆவதை தடுக்க ஒரு மின்சுற்று உள்ளது இது காப்புரிமை பெறப்பட்ட தொழில்நுட்பம், இதனை வாங்கி பயன்ப்படுத்தாமல், தூரமா உட்கார்ந்து பாருங்க, ரொம்ப நேரம் டீவி பார்க்காதிங்க 85;ு எச்சரிக்கை நோட்டிஸ் கொடுத்துட்டாங்க.நம்ம ஊரில் கூட சில சமயம் டீவி வெடித்து விட்டதுனு செய்தி வரும் ,காரணம் அந்த மின்சுற்று ஏதோ காரணத்தால் பழுதாவதால் தான். இப்போ திறந்த பொருளாதாரத்திற்கு வந்த பின் இறக்குமதி தொலைக்காட்சிப்பெட்டிகளை பயம் இல்லாமல் பயன்ப்படுத்துறாங்க.

அங்கே அதிகம் விற்பனையாகும் டீவி நம்ம ஊரு ஒனிடா டீவி தான். பத்துலட்சம் பெட்டிகளுக்கு மேல் விற்று சாதனைப்படைத்துள்ளது ஒனிடா! இதனை ஒனிடா டீவி தளத்தில் காணலாம்.

இதனை எதற்கு சொன்னேன் என்றால் சாதாரணமான டீவிக்கே இப்படினா அவங்க அணு உலை எப்படி இருக்கும்? அவங்க வெடிக்காதுனு சொல்றதுக்கு என்ன உத்திரவாதம்...கியாரண்டியோ, வாரண்டியோ கொடுக்க நாங்க என்ன பிரஷ்ஷர் குக்கரா விக்கிறோம்னு சொல்லிவிட்டு போய்க்கிட்டே இருப்பாங்க.

அதனால் தான் விபத்து ஏற்பட்டால் அது எங்களைக்கட்டுப்படுத்தாது, உங்க பொறுப்புனு இப்பவே நழுவிட்டாங்க.

சரி மக்களே இவ்வளவு நேரம் பாதகங்களைப்பார்த்தோம், இப்போ இங்கே நடக்கிறப்போறாட்டத்தின் பரிமாணத்தைப் பார்ப்போம், அதுக்குள்ள அரசியல்,சுயநலம், விளம்பர மோகம் எல்லாம் கலவையா ஒளிந்து இருக்கு.

கூடன்குளம் ஏன் கொதிக்கிறது.

கூடங்குளம் அணு உலை எதிர்ப்பு போராட்டம் ஆரம்பித்த காலத்தில் இருந்து பொதுவாக ஒரு சந்தேகத்தினை எல்லாம் கேட்கிறாங்க, 1988 திட்டம் அறிவிக்கப்பட்டு 20 வருடமா இதோ அதோனு இழுத்து முடியப்போற நேரத்தில ஏன் இந்த போராட்டம் என்பதே?

போராட்ட்தில் கலந்து கொண்டவர்கள் படங்கள் செய்தித்தாள்களில் வெளிவந்தன, அவர்களைப்பார்த்தால் அணு உலைக்கும் அடுப்பில வைக்கும் உலைக்கும் கூட வித்தியாசம் தெரியாது போல இருக்கு. பெரும்பாலும் இது போன்ற மக்களின் நிலைப்பாடு எப்படி இருக்கும் என்றால் "அணு உலைனு சொல்றாங்க ஆபத்தானதுனு சொல்றாங்க ஆனால் அரசாங்கமே இதை செய்யுது, இனிமே நாங்க என்ன செய்றது.. எல்லாம் விதி...ஆண்டவன் இருக்கான் பார்த்துப்பான் என்று பெருமூச்சு விடுவார்கள் அவ்வளவே.



ஆரம்பத்தில் இத்தனை தீவிரம் இல்லாத போராட்டம் இப்போ மட்டும் ஏன் இப்படி தீவிரமாக? நியாயமான கேள்வி தான் ,வழக்கமாக சில ஊர்களில் தண்ணீர் தட்டுப்பாடு, சாலை சரியில்லை, பஸ் வரவில்லை என்றால் போராட்டம் நடத்துவார்கள், கடை அடைப்பு , ஏன் உண்ணாவிரதம் கூட இருப்பார்கள், சரியாக கண்டுக்கொள்ளப்படவில்லை எனில் தேர்தல் காலத்தில் , தேர்தல் புறக்கணிப்பு என ஒரு குண்டுப்போடுவார்கள், அவ்வளவு தான் மாவட்ட ஆட்சியர், எம்.எல் ஏ, மந்திரி என எல்லாம் ஓடி வந்து சமரசம் பேசி குறைகள் களையப்படும் என்று வாக்குறுதி அளிப்பார்கள்.

ஆனால் கூடங்குளத்தில் போராடுபவர்கள் கடந்த சட்டமன்ற தேர்தலின் போதும் சரி இப்போதைய உள்ளாட்சி தேர்தலின் போதும் சரி தேர்தல் புறக்கணிப்பு என்ற பிரம்மாஸ்திரத்தை பயன்ப்படுத்தவில்லை, ஏன் மந்திரம் மறந்து போச்சா? இதில் தேர்தலுக்காக ஒரு நாள் போராட்டத்துக்கு லீவ் எல்லாம் விட்டார்கள்.மாநில அரசை கோபப்படுத்தக்கூடாது என்பது போல அது இருந்தது.

இதில் ஏதோ ஒன்று ஒளிந்திருப்பதாகவே தோன்றியது. அது என்ன?

எனவே எனக்குள் தூங்கிகொண்டிருந்த ' துப்பறியும் ஷெர்லாக்ஸ் ஜேம்ஸ் சாம்பு லால்"  விழித்துக்கொண்டான், என்னளவில் சிறிது முயற்சி செய்தேன், ஒரு தென்மாவட்ட நண்பரைப்பிடித்து கேட்டேன், அவர் லைட்டாக சொன்னாலும்,சொன்னது அதிர்ச்சியாக இருந்தது. மேற்கொண்டு தெரிந்து கொள்ள சரி நாமும் இணையத்தை துழாவலாம் அது என்ன பூட்டியா இருக்குனு தேடினேன், அவர் சொன்னது உண்மை தான் என்பது போலவே செய்திகள் கிடைத்தன.

நான் பார்த்ததை பார்வைக்கு வைக்கிறேன், இதில் தனிமனித விருப்பு, வெறுப்புகளுக்கு இடமில்லை.யார் மனதையும் புண்படுத்தும் நோக்கமில்லை, அப்படி நினைத்து யாரேனும் கச்சைக்கட்டிக்கொண்டு வந்தாலும் கவலை இல்லை!

கூடன்குளம் போராட்டம் திடீர் என்று ஒரு புதிய சக்தி பெற்றதற்கு பின்னால் இருப்பது ஒரு தனி மனிதரே,காரணம் மணல்!!! ஆம் மணல் தான் கார்னெட் மணல் தொழில். ஏற்கனவே 2007 இல் டாடா கார்னெட் மணல் , டைடானியம் டை ஆக்சைட் தொழில் தொடங்க வந்த போதும் விவசாயிகள் போர்வையில் போராட்டம் நடத்தி ஆனானப்பட்ட டாடாவுக்கே டாடா காட்டியவர் இந்த மணல் மனிதர்.

அனுசக்திக்கும் , கார்னெட் மணலுக்குமென்ன சம்பந்தம், அப்போ டாடா வை விரட்டினார் இப்போ ஏன் ?
பதில் இந்த செய்தியைப்பாருங்க, ரஷ்ய பிரதமர் விலாடிமிர் புதின் இந்தியா வந்த போது வெளியானது. கூடன்குளத்தில் அணு உலை அமைப்பதுடன் இந்திய-ரஷ்ய கூட்டுறவில் டைட்டானியம் டை ஆக்சைட் ஆலை அமைக்கப்படும் என்று 62;ப்பந்தம் கையொப்பம் ஆனதாக கூறுகிறது.

//Russian President Vladimir Putin arrived in India earlier in the day on a visit aimed at boosting trade ties and securing military and energy deals. Defense Minister Sergei Ivanov is also in the country, and has signed several arms deals, including an agreement on the licensed production two-day visit, the Russian president is expected to sign agreements on the construction of additional reactors for the Kudankulam NPP and of new nuclear plants in India under Russian designs, as well as setting up a Russian-Indian joint venture for the production of titanium dioxide and other titanium products.//

இப்போ தெரிஞ்சு இருக்குமே எலி ஏன் அம்மணமா ஓடுச்சுனு!

கஜினி முகம்மது, இந்தியாவின் மீது 17 முறை படை எடுத்தான் எனப்படித்துள்ளோம், உண்மையில் அவை படை எடுப்பே அல்ல கொள்ளை அடிக்க வந்த தாக்குதல்.முதல் முறை கஜினி முகம்மது வந்த போதே யாராவது இந்திய மன்னர்கள் செமத்தியாக கவனித்து இருந்தால் அவன் ஏன் 17 முறை மீண்டும் மீண்டும் படை/கொள்ளையடிக்க வந்திருக்கப்போகிறான்.

இதை ஏன் சொல்கிறேன் என்றால் கூடன்குளத்திற்கு முன்னரே தமிழகத்தில் கல்பாக்கத்தில் அணு உலை அமைக்கப்பட்டு செயல்ப்பட்டு வருகிறது இந்த அணு சக்தி எதிர்ப்பாளர்கள் அன்றே கல்ப்பாக்கத்திற்கு எதிராக கடுமையான போராட்டம் நடத்தி இருந்தால் தமிழகத்தில் வலுவான எதிர்ப்பு இருக்கு என்பதை ஆட்சியாளர்கள் உணர்ந்திருப்பார்கள். ஒரு வேளை எதிர்ப்பையும் மீறி கல்ப்பாக்கத்தில் அணு உலை அமைக்கப்பட்டிருந்தாலும் , மீண்டும் ஒரு முறை தமிழகத்தில் அணு உலை வைக்கும் எண்ணம் ஆட்சியாளர்களுக்கு வந்திருக்காது. வேறு எதாவது மாநிலம் பார்த்திருப்பார்கள் கூடன் குளம் தப்பியிருக்கும்.கேரளாவில் 50;ரம்பத்திலேயே சரியாக எதிர்ப்பு காட்டினார்கள். எனவே தான் அங்கிருந்து அணு உலை கூடன் குளம் வந்தது.

நாம் அப்போது சரியான எதிர்ப்புக்காட்டவில்லை. இந்த 58;திர்ப்பாளர்களும் நேற்றுப்பிறந்து இன்று வளர்ந்து போராட்டத்தில் குதிக்கவில்லை. தொடர்ந்து கல்ப்பாக்கத்தில் போராடி இருக்கலாம். இப்போது கல்ப்பாக்கத்தில் உள்ள அணு உலை அதன் செயல்பாட்டின் இறுதி நிலையில் உள்ளது,ஒரு அணு உலையின் சராசரி ஆயுட்காலம் 35 ஆண்டுகளே, பின்னர் புதுப்பித்தால் மேலும் 15 ஆண்டுகள் ஓடும். புதுப்பித்தால் மட்டுமே தொடர்ந்து செயல்பட முடியும். போதும் இதோடு மூடி விடுங்கள் என்று இவர்கள் போராடலாமே, ஒரு வேளை நல்ல ஸ்பான்சர்கள் கிடைக்கவில்லை போலும், கிடைத்தால் போராடுவார்களாயிருக்கும்!
----------------------------------------------

சரி ரஷ்யா கூட ஒப்பந்தம் போட்டா  என்ன அது இந்தியாவில வேற எங்காவது அமைக்கப்போறாங்க ,கூடன்குளத்துக்கா வருவாங்கனு கேட்கலாம், ஆம் அங்கே தான் வருவாங்க வேற வழியில்லை, தென் தமிழ் மாவட்ட கடல் ஓர கார்னெட் மணல் தான் இந்தியாவிலேயே தரமானது, ஏன் உலகத்திலேயே நல்ல தரமானதும் கூட.மேலும் கிழக்கு கடற்கரையில் சில இடங்களில் டைட்டானியம் ஆலைகள் கடந்த சில ஆண்டுகளில் அரசின் ஆதரவில் வந்து விட்டது.

உலக டைட்டானியம் டை ஆக்சைட் தேவையில் 75% தேவையை இந்தியா பூர்த்தி செய்கிறது, அதில் தமிழகத்தின் பங்கு மிக மிக அதிகம்.இந்தியாவில் கிழக்கு கடற்கரையில் தான் டைட்டானியம் அதிகம், தரமானதும் கூட. தமிழகத்தில ரொம்ப நாளா இந்த தொழில் நடக்கிறது.அந்த மணல் மனிதர் இந்தியாவில் மட்டும் அல்ல உலக அளவிலும் பெரிய கார்னெட் தொழிலதிபர்.அவர்கள் தளத்தில் உங்களுக்கு எத்தனை டன் டைட்டானியம் வேண்டுமானாலும் எங்களால் சப்ளை செய்ய முடியும் எனப்பெருமையாக போட்டிருப்பதைக்காணாலாம்.

இது மட்டும் காரணம் அல்ல , சமிப காலமாக கிழக்கு கடற்கரையில் மேற்கு வங்கம், ஒரிசா , மேற்கில் கேரளா என புதிய கார்னெட் ஆலைகள் 49;ரசாலோ அல்லது தனியார் -ரஷ்ய கூட்டுடனோ; அமைக்கப்பட்டுவிட்டது.இப்போ அதிக வளமுள்ள தென் தமிழகத்தில் மட்டும் தனியார் ஒருவர் மட்டுமே கோலோச்சுகிறார். எனவே அங்கே ரஷ்ய-இந்திய ஆலை வர வாய்ப்பு மிக அதிகம்.

மேலும் சில டைட்டானியம் டை ஆக்ஸைட் ஆலைகள் பற்றிய செய்திகள்.

//Orissa titanium plant offers villagers jobs, work resumes
07-07-2008 18:32:04 by IANS ( 1 comment )
//Bhubaneswar, July 7 (IANS) The work at the site of a proposed titanium dioxide plant in Orissa’s Ganjam district was resumed after the company assured employment opportunities to villagers affected by the project, a government official said Monday. “The local villagers and administration allowed the company to resume work after it assured that it will provide work on priority basis to all the people who lost land due to the project,” additional district magistrate Madan Mohan Deo told IANS.//

//Kolkata-based Saraf Group and the Russian government are jointly setting up the plant in two phases in over 600 acres of land near Chhatrapur town, about 175 km from here.
The integrated plant will produce 40,000 tonnes per annum of titanium dioxide per year. The first phase of the project, with an investment of $250 million, is expected to turn commercial by the end of 2009.//
--------------------------------------------------

Kollam, Feb 27 (IANS) India Sunday join a select band of titamium sponge producers with Defence Minister A.K. Antony inaugurated a 500 tonne-capacity plant at Chavara near here.A select group of nations like the US, China, Japan and Britain have the technology for industrial-scale production of titanium sponge
-----------------------------------------------------

அதெல்லாம் இருக்கட்டும் அரசு ஆரம்பித்தால் என்ன அது ஒரு பக்கம் ,இவர் ஒரு பக்கம் நடத்தப்போறங்க எனலாம் . ஆனால் மணல் மனிதரின் பாராக்கிரமங்களைப் பார்த்தால் அவர் விட்டுக்கொடுக்க முன்வர மாட்டார் என்பது புரியும்.மேலும் மிக அதிக அளவில் முதலீடும் , 15 கிலோ மீட்டர் கடற்கரையை அரசிடம் இருந்து 40 ஆண்டு குத்தகை எடுத்துள்ளார்.


அங்கே
பீச் மினரல்ஸ் </span>என கம்பெனி வைத்துள்ளார், இது கூடன்குளத்தில் இருந்து கூப்பிடு தொலைவே.அது போக சொந்தமாக தேரிக்காட்டில் 2300 ஏக்கர் நிலம்
வளைத்துப்போட்டுள்ளார். அதுமட்டுமில்லாமல் பினாமி நிலம், பொறம்போக்கு இடம் எல்லாம் அவர் கட்டுப்பாட்டில், இதனை எப்படி விடுவார். தூத்துக்குடியில் இருந்து கன்யாகுமரி வரை கடற்கரை அவரது கட்டுப்பாட்டில்.
மேலும் தற்போது அங்கே செயல்பட்டு வந்த கில்பர்ன் கெமிக்கல்ஸ் எனப்படும்
மற்றொரு டைட்டானியம்ம் டை ஆக்சைட் ஆலையும் வாங்கி விட்டார். இனி அவரது ஏக போகம் தான் அங்கே.

கார்னெட் மணல் அள்ளப்படும் இடங்களைக்காட்டும் படம்:





மணல் மனிதரின் கார்னெட் தொழில் சம்பந்தப்பட்ட செய்திக்குறிப்புகள்.



V.V. Mineral is the only company in India with a 15km stretch of beach area under a mining lease for 40 years. This ensures a continuous deposition of placer minerals from the Gulf of Mannar. The gulf's geological characteristics, typical wave action and beach structure make it a highly valuable zone for continuous deposition of heavy minerals like Garnet, Ilmenite, Rutile and Zircon. Another 2,300 acres of heavy minerals-rich land add to our total annual output of 150,000 metric tonnes of garnet ,2,25,000 metric tonnes of ilmenite, 12000 M.Tons of Zircon and 5000 M.Tons of Rutile.
---------------------------------------------------------------------------------------

Kilburn Chemicals sells TiO2 division
Kilburn Chemicals Ltd (KCL), a producer of anatase grade titanium dioxide, will sell its chemical division producing anatase grade titanium dioxide to S Vaikundarajan of partnership firm V V Mineral, one of the country’s largest producers of garnet & ilmenite, for an estimated Rs.110 crore, KCL said in a statement.


KCL has a manufacturing plant in Tuticorin, Tamil Nadu. KCL also manufactures the by-product ferrous sulphate. V V Minerals, established in 1989, is based in Tirunelveli, in Tamil Nadu and caters to Europe, Middle East, East Asia, Australia and USA.
Titanium Dioxide is a vital ingredient for diverse industrial applications and is one of the most commonly-used white pigment in the world. It is used for a variety of applications like manufacturing of paint, rubber, paper, detergents, cosmetics, printing inks, textiles, plastics among other products.
--------------------------------------------------------

 மணல் மனிதரின் ஆலையில் வேலை செய்யும் பெண்கள், ஆண்கள், மேலும் சம்பளம் கொடுத்து ஊர் மக்கள் என முறை வைத்து ஆட்களை அனுப்புவதுடன், போராட்டத்தின் ஸ்பான்சரும் அவரே.கூடவே மிஷனரிகள், இன்ன பிறர் என சரியாக காய் நகர்த்தி கொண்டு போகிறார் என தோன்றுகிற;து.போராட்டம் நடத்தினால் தான் நாளைக்கு, வேலை ,அல்லது இழப்பீடு எல்லாம் கிடைக்கும் வரலைனா அரசாங்கம் கண்டுக்காது போன்ற நயமான அழைப்புகளும் உண்டு.

ஒரு வேளை அந்த மக்கள் பாவம் நல்ல மனுசன் அணு உலைக்கு எதிராக நல்லா ஆதரவு தருகிறார் என நினைத்துக்கொண்டிருக்கலாம்.அவர் மணலுக்காக ஆதரவு தருகிறார் என தெரியாமலே கூட இருக்கலாம்.மணல் மனிதர் பின் புலத்தில் இருப்பதால் தான் தேர்தல் புறக்கணிப்பு அஸ்திரம் போராட்டத்தில் பயன்ப்படுத்தப்படவில்லை. கடந்த சட்டமன்ற தேர்தலும் இப்போது நடந்த உள்ளாட்சி தேர்தலும் அம்மையாருக்கு மிக முக்கியமானவை, எனவே அம்மைக்கு எதிராக எதுவும் செய்ய மாட்டார் அவர்.

ஒரு வேளைப்போராட்டம் வெற்றிப்பெற்றால் அணு உலையில் இருந்து மக்களும் தப்பிப்பார்கள், அவருக்கு மணலும் தப்பிக்குமĮ1;!

இந்திய அரசாங்கம் என்று இல்லை எந்த அரசுமே இந்த பிடிவாதம் கொண்டவையே,எனவே இவ்வளவு தூரம் வந்த திட்டத்தை கை விடாமல் மாற்று வழியில் மணல் மனிதரை மடக்கிடும் என தோன்றுகிறது, உங்க கார்னெட் பிசினெசுக்கு பங்கம் வராது, அங்கே ரஷ்ய கூட்டு ஆலை வராதுனு உத்திரவாதம் தந்தா போதும், அவர் கழண்டுப்பார், முன்னால் நிற்கும் சமூகப்போராளிகளுக்கு காத்து இறங்கிடும், நாங்க போரடினோம் என்னப்பண்றதுனு சொல்லி போராளிப்பட்டத்தை வாங்கிக்கிட்டு போய்டுவாங்க பாவம் மக்கள் தான் மாட்டிக்கிட்டு முழிக்கணும் வழக்கம் போல விதியை நொந்து வாழ்வார்கள்.

இதில் உள்ள அரசியல் என்னவென்றால், அம்மையாருக்கும் காங்கிரசுக்கும் ஆகாது, அம்மையாரின் ஆதரவு பெற்றவர் மணல் மனிதர், கடந்த சட்ட மன்ற தேர்தலில் "ரொம்ப" உதவியவர் மணல்மனிதர். தற்சமயம் காங்கிரசுக்கு குடைச்சல் கொடுக்க இது உதவும் என்பதால் தான் சாத்வீகமாக இருக்கிறார் அம்மையார். இல்லையென்றால் "இரும்புக்கரம்"பேசி இருக்கும்!

இப்போ காங்கிரசே பெங்களூரு வழக்கு விவகாரத்தில் சாதகம், திமுக கழட்டி விடல்,மேலும் சில முக்கிய புள்ளிகள் திஹார் கைது என அம்மைக்கு ஆதரவுக்காட்டினால் போதும், திமுகவின் இடத்தில் அம்மையார் ஒட்டிக்கொள்வார், மணல்மனிதரையும் தட்டி வைத்து விடுவார். பின்னர் சமூகப்போராளிகளும்" சமூகப்போராளிப்பட்டத்தை" தூக்கி தோளில் போட்டுகொண்டு போய்டுவாங்க பாவம் மக்கள் , வழக்கம் போல அவர்களுக்கு அல்வா தான்! ஆனால் இந்த தடவை ஒரிஜினல் திருநெல்வேலி அல்வா!

பின்குறிப்பு:

#எந்த ஒரு தனி நபரையோ, இயக்கத்தையோ களங்கப்படுத்தவோ, காயப்படுத்தவோ எண்ணி இப்பதிவிடவில்லை, எல்லாவற்றுக்குமே ஒரு மாற்றுப்பார்வை உண்டு அது போன்றதே இதுவும் எனவே யாரும் தவறாக எடுத்துக்கொள்ள வேண்டாம்.

# இங்கு தரப்பட்டுள்ள செய்தி குறிப்புகள், புள்ளி விவரங்கள் அனைத்தும் சம்ப ந்தப்பட்ட இணைய தளங்களில் இருந்தே எடுக்கப்பட்டுள்ளது, நம்பகத்தன்மை அவற்றை சார்ந்தே!

சுட்டிகள்:

# http://www.energy-daily.com/reports/Russia_To_Build_Four_More_Nuclear_Reactors_In_India_999.html

# http://www.vvmineral.com/mining.htm

#http://www.thaindian.com/newsportal/business/orissa-titanium-plant-offers-villagers-jobs-work-resumes_10068743.html

# http://www.chemindigest.com/news.html